ایک بدیسی سیاح ہندوستان کی راج دھانی دہلی آیا۔ سب سے پہلے وہ لال قلعہ دیکھنے گیا۔ لال قلعے کے اندر کچھ ہندوستانی اسٹوڈنٹس گھوم رہے تھے۔ سیاح نے پوچھا اس قلعے کی تعمیر کرنے والا کون ہے؟

طالبِ علم نے جواب دیا معلوم نہیں۔

بدیسی سیاح بہت متاثر ہوا۔ اس نے سوچا مسٹر معلوم نہین کوئی بہت عظیم آدمی ہوگا جس نے یہ عظیم قلعہ بنا ڈالا۔ اس نے سوچا کہ وہ اس عظیم شخصیت سے ضرور ملاقات کریگا۔ لال قلعہ سے نکل کر وہ سڑک پر آیا تو دیکھا کہ کچھ لوگ جنازہ اٹھائے جا رہے ہیں۔اس نے ایک شخص سے پوچھا، یہ کون انتقال کر گیا ہے؟

اس شخص نے جواب دیا معلوم نہیں۔

مسٹر معلوم نہیں کے انتقال پر بدیسی کو بہت افسوس ہوا۔ آہ وہ عظیم آدمی کی ملاقات سے محروم رہا۔ 

(فکر تونسوی کا تحفہ)